ދިވެހިބަހުގެ ޤައުމީ ސިޔާސަތެއް އެކުލަވައި ލެއްވުމުގެ މަސައްކަތް ކުރައްވަމުން ގެންދަވާ ކަމަށް ދިވެހިބަހުގެ އެކެޑަމީގެ ރައީސް އަޝްރަފް ޢަލީ ވިދާޅުވެއްޖެއެވެ.
އަޝްރަފް މިހެންވިދާޅުވީ، މިއަހަރުގެ މާދަރީބަހުގެ ދުވަސް ފާހަގަ ކުރުމަށް މާލޭ ސްކޫލުތަކަށް ހުޅުވައިލައިގެން މިއަހަރުގެ ފެބުރުވަރީ 21 ވަނަ ދުވަހު ބޭއްވި، މާލޭ އަދަބީ ޢީދުގެ މުބާރާތުގެ ނަތީޖާފާޅު ކުރުމަށް ރޭ ބޭއްވި ޙަރަކާތުގައި ވާހަކަފުޅު ދައްކަވަމުންނެވެ.
ސަރުކާރުން މިހާރުވަނީ އިއްޒަތްތެރި މިނިސްޓަރާއި އަދި ރައީސުލް ޖުމްހޫރިއްޔާގެ އެންގެވުމުގެ މަތިން އަޅުގަނޑުމެން މިހާރު މިދަނީ ދިވެހިބަހުގެ ޤައުމީ ސިޔާސަތެއް އެކުލަވަމުން: އަޝްރަފް
އަޝްރަފް ވިދާޅުވީ މި ސިޔާސަތުގެ ފުރަތަމަ ދެލިކޮޕީގެ މަސައްކަތް މިހާރު ނިމި ދެވަނަ ދެލިކޮޕީގެ މަސައްކަތް މިހާރު ގާތްގަޑަކަށް ނިމުމަކަށް ގޮސްފައިވާ ކަމަށެވެ.
މި ސިޔާސަތަކީ، ދިވެހި ސަރުކާރުން ބަހާމެދުގައި ދުރު ރާސްތާ ރޭވުމެއްގެ މައްޗަށް އެކުލަވައި ލެވިފައިވާ ސިޔާސަތެއް ކަމަށާއި މީގެ ސަބަބުން މުސްތަޤުބަލުގައި ހަރުދަނާ ގޮތެއްގައި މަސައްކަތްތަކެއް ރޭވި ކުރެވިގެން ދާނެކަމަށް އަޝްރަފް ފާހަގަ ކުރެއްވިއެވެ.
މިސަރުކާރު އައީ ކޮންމެ ގޮތެއްވިޔަސް މިދެންނެވި މާނަވީ ތަރިކަ ހިމާޔަތް ކުރުމަށްޓަކައި މީގެ ކުރީން ނުދެއްވާ އަހަންމިއްޔަތު ދެއްވައިގެން ކަމަށާއި އެކަން ކުރައްވަމުން ގެންދަވާކަމަށް އަޝްރަފު ވިދާޅުވިއެވެ. ހެއްކެއްގެ ގޮތުން ދެއްކެވީ މިކަމަށްޓަކައި ޚާއްޞަ ވުޒާރާއެއް އުފައްދަވައިފައި ވުމެވެ.
advertisment
advertisment
advertisment