އެޑިއުކޭޝަނަލް އިންޓިޓިއުޝަންތަކަށް އުރީދޫން ޚާއްސަ އެހީތެރިކަމެއް ފޯރުކޮށްދީފިއެވެ. މި ޚިދްމަތަކީ ސްކޫލު ކުދިންނަށް އޮންލައިންކޮށް ފަސޭހަ ކަމާ އެކު، ކިޔެވޭނެ އިންތިޒާމުތައް ހަމަޖެއްސުމަށްޓަކައި އުރީދޫއިން ފޯރުކޮށްދިން ޚިދްމަތެކެވެ.
އުރީދޫން ބުނިގޮތުގައި މި ހާއްސަ ހިދުމަތަކީ ދަރިވަރުންނާއި ޓީޗަރުންގެ ތެރެއިން އުރީދޫގެ ޕްރިޕެއިޑް ހިދުމަތް ބޭނުންކުރާ ފަރާތްތަކަށް ލިބޭނެ ހިދުމަތެކެވެ.
އެ ޚިދުމަތުގެ ދަށުން ގޫގްލް ކްލާސްރޫމްގެ މޮބައިލް އެޕްލިކޭޝަން ފަދަ ޚިދުމަތްތައް ބޭނުންކުރުމަށް ޚާއްސަ ޑޭޓާ އެލަވަންސްތަކެއް ލިބިގެންދާނެ ކަމަށް އެ ކުންފުނިން ބުންޏެވެ.
އުރީދޫން ބުނީ އެ ޚިދުމަތް ލިބިގެންދާނީ އެޑިއުކޭޝަން މިނިސްޓްރީން އުރީދުއަށް ފޯރުކޮށްދޭ ލިސްޓުގައި ހިމެނޭ ދަރިވަރުންނާއި ޓީޗަރުންނަށް ކަމަށެވެ.
މީގެއިތުރުން ކޮރޯނާ ވައިރަސް ރާއްޖެއިން ފެނި ބިރުވެރި ހާލަތެއްގައި ގައުމު އޮތް މިދަނޑިވަޅުގައި ލުޔެއް ދިނުމަށްޓަކައި އުރީދޫގެ ޕްރިޕެއިޑްގެ ކަސްޓަމަރުންނަށް 25 ޕަސެންޓް ޑޭޓާ ހިލޭ ދިނުމަށް ވެސް އެ ކުންފުނިން ވަނީ ނިންމާފައެވެ.
އުރީދޫން ބުނީ މިފަދަ ބަދަލެއް ގެނައީ އާންމުންނަށް ޑޭޓާ ބޭނުން ކުރުމުގައި ލުއިފަސޭހަ ކޮށްދިނުމުގެ ބޭނުމުގައި ކަމަށެވެ.
advertisment
advertisment
advertisment